27 Nëntor 2015

KUJTIM I LARGËT

Ishte ashtu, si në një baladë të vjetër,

E donim dy atë, unë dhe një tjetër…

Po ajo qeshte e thoshte gjithë dritë në sy:

”Çfarë t’u jap!? Unë jam një e ju jeni dy…!”

Dhe nuk ndodhi si në baladë, s’kish sesi.

Unë s’e rrëmbeva, s’e rrëmbeu as ai…

Ajo iku larg dhe tha: Shpirtin tim po ju lë,

Është i madh, mos u grindni për të!

…

Ishte ashtu, si në një baladë të vjetër,

Atë e donim ne, ajo mori një tjetër…