Moj e Bukura e Dheut

Abdulla Tafa In memoriam

Yll më yll të kam valluar/Vallen yjore të yjeve
E gjithëkund të kam kërkuar/E askund nuk të gjeta

Moj e bukura e dheut!

Lapsus ishte natyrisht/Aventura ime
Në qiejt e largët
Pëderisa ti je e bukura e dheut/Rezidencën e farfurive duhet ta kesh
Mes farfurive të yllit Tokë

Abdullah Tafa

New York, Jul 6, 2015 06:16

In Memoriam

E vallova vallen e erës
Vallen e valëve vallova
E vallova vallën e udhëve

E askund nuk të gjeta
Moj e bukura e dheut

Mora udhën e nëndheut.
Vura në gjumë përbindëshin
Që ruan dymbëdhjetë dhomat

Dyert i kam çkyçur një nga një
E askund nuk të kam gjetur
As në dhomën e dymbëdhjetë

Moj e bukura e dheut

Kur bindesha se nuk je
E nuk ke qenë kurrë
Më dilje në njërin hap
Në hapin tjetër zhdukeshe

Vajzë hije
Hije vajzë

E kuptova: të kam nxjerrë
Nga thellësia e vetes-vajzë hije

Hije, vajzë
Hije…

Nuk të kam prej kreit, as nga brinja ime
Si Zeusi Herën

Si Adami Evën

Të kam nxjerrë nga shkumëzimi i bardhë i
ëndërrës
Si deti Venerën

Edhe je
Edhe s’je

Moj e bukura e dheut.