Paris, 27 korrik, 2017

Suksesi i përkthimit është kur nuk të duket se po lexon përkthim. Dhe këto poezi kaq të veçanta të Jehuda Amichai-t, në përkthimin e Gëzim Bashës, tingëllojnë aq bukur shqip, sa duken sikur janë krijuar në shqip. Ato janë shqipëruar. Do ti gjeni në Klarabudapost me pikatore, një nga një.

Ata i ndanë

Kofshët e tua nga ijet e mia.

Me aq sa di, unë mund te them, dukeshin

mjekë. Te gjithe ata.

Ata na prenë

nga njeri tjetri. Me aq sa di, unë mund te them,

qenë inxhinierë.

Gjynah se ne ishim nje shpikje e bukur: aeroplan

i sajuar nga nje burrë dhe nje grua,

me krahë e gjithcka;

Ne madje e lamë

dheun për pak.

Ne madje fluturuam.

TE  THUASH NDRYSHIM ESHTE SI TE THUASH DASHURI

U bë kohë e gjatë bashkë s’jemi parë

S’kam marë une prej teje as dy gisht kartë

Një pusullë zyre te qe, por dhe zyrat

Emrin ma haruan, haruan se jam gjallë.

Vegla e perteritjes ende këndellet

Mes kembeve te mia…shkoj gjatë, s’mban më

pa ndjerë ëmbelsinë e letres sate,  syte e mi mbi të.

Ne s’ndenjëm sa duhej t’a ngrinim vetë

Një monument për dashurinë.

Tani koha ja zë vendin kohës

trishtimi i ndron njerzit si të qenë roba

Fytyra jote serioze ta ndan jetën në riska

Çdo riskë mban nje tjetër burrë brenda.

Dikur ne folëm bashkë për ndryshimet

Të thuash ndryshim është si të thuash Dashuri.

YA

Yehuda Amichai, është emri artistik i Ludwig Pfeuffer, lindur në 3 Maj, 1924 në Würzburg, Gjermani. Ai është një poet izraelit i gjuhës hebraike, që zë një vend të rëndësishëm në letërsinë izraelite të shekullit të tij. Vdiq më 22 shtator 2000, në Jerusalem.

Shqipëroi nga anglishtja Gëzim Basha, Wisconsin, shtator, 2010

©  Gëzim Basha ( dhe si kortezi e tij)

Botohen për herë të parë nga klarabudapost.com