Vallja e Yjeve

“…E si kurrë nuku mund,

Ylli yllin që t’a kapë,

Rrotull qiejve pa fund,

Venë-e-vinë-e-venë prapë…”

Lasgush Poradeci

Chappaqua, NY, USA, Mar 11, 2016 @ 11:21

Yjtë-e ndezur si fingjill,

Që vërtiten palë-palë,

Prej mosgjëje zunë fill,

Plot me jetë-e mall të valë.

Zunë fill me dashuri,

Që kur bota zu të ngjizet,

Pa sikush për shok të ti,

Përvëlohet edhe ndizet.

Ndizet ças edhe për ças,

E si kurrë s’ka të shuar,

Pa pushim i vete pas,

Me një sulm të llaftaruar.

E si kurrë nuku mund,

Ylli yllin që t’a kapë,

Rrotull qiejve pa fund,

Venë-e-vinë-e-venë prapë…