Ndiq fatin tënd

…Realiteti

Është gjithmonë më pak a më shumë

Se ajo që duam.

Vetëm jemi gjithmonë

Të barabartë me vetëveten.

Të jetosh vetëm është e ëmbël…

FERNANDO PESSOA

Ndiq fatin tënd

Ujit bimët,

Duaj trëndafilat.

Pjesa e mbetur është hija

E pemëve të huaja.

 

Realiteti

Është gjithmonë më pak a më shumë

Se ajo që duam.

Vetëm jemi gjithmonë

Të barabartë me vetëveten.

 

Të jetosh vetëm është e ëmbël,

Të jetosh thjesht,

Gjithmonë, është e fisme dhe e madhërishme,

Në altare, apo në tempull

Zotave, lëru dhimbjen.

 

Shikoje jetën nga larg.

Mos e pyet kurrë.

Nuk mund asgjë

Të të thotë. Përgjigja

Është përtej zotave.

 

Por në qetësi

Imito Olimpin

Thellë zemrës tënde.

Zotat janë zota

Sepse nuk mendojnë.

Përktheu nga frengjishtja Anila Xhekaliu

Marrë nga “Odes” Ricardo Reis** L&PM Pocket, 2007.

 

**Një nga emrat e përdorur nga Fernando Pessoa

Boton klarabudapost